Cyflwyno cais cynllunio ar-lein

Mae eich cais yn cynnwys setiau o gwestiynau y mae'n rhaid eu cwblhau'n gywir er mwyn galluogi'r awdurdod cynllunio lleol (ACLl) i benderfynu arno.

Bydd rhestr cwestiynau a thudalen trosolwg y cais yn dangos faint o adrannau cwestiynau sydd wedi'u cwblhau.

Gallwch symud drwy restr cwestiynau'r cais ac ateb y gwahanol adrannau a chwestiynau yn unrhyw drefn. Caiff adrannau eu marcio fel adrannau wedi'u cwblhau pan fydd pob cwestiwn yn yr adran wedi'i ateb yn gywir.

Mae'r rhan fwyaf o adrannau yn cynnwys testun i'ch helpu i gwblhau'r cwestiynau. Gallwch weld y testun hwn drwy glicio ar yr eicon '?' wrth ymyl teitl adran y cwestiwn.

Ar ôl i chi nodi'r manylion, cliciwch ar y botwm 'nesaf'. Bydd hyn yn cadw'r manylion a nodwyd hyd yn hyn ac yn eich tywys i'r adran nesaf os byddwch wedi cwblhau'r adran gyfredol. Fel arall, bydd yn dangos i chi beth sydd angen i chi ei gwblhau o hyd.

Gallwch hefyd glicio ar 'Cadw a chau' er mwyn gadael adran. Bydd hyn yn sicrhau y caiff y manylion a nodwyd gennych eu cadw hyd nes y byddwch yn dychwelyd yn ddiweddarach.

Os bydd unrhyw adrannau o gwestiynau yn anghyflawn o hyd, bydd angen i chi ddychwelyd at yr adran honno eto drwy glicio ar ei dolen a sicrhau eich bod wedi ateb pob cwestiwn yn gywir.

Os na fyddwch yn credu bod y cwestiwn a ofynnir yn berthnasol i'ch cais, dylech nodi 'ddim yn gymwys' yn y maes testun perthnasol. Fodd bynnag, dylech gysylltu â'ch ACLl er mwyn sicrhau nad oes angen i chi ateb y cwestiwn hwn er mwyn iddo ddilysu eich cais, neu os bydd gennych ymholiadau am yr hyn a ofynnir.

Dylech hefyd gysylltu â'ch ACLl os oes gennych unrhyw ymholiadau cynllunio am eich cais. Gallwch ddod o hyd i'w fanylion cyswllt gan ddefnyddio ein hadnodd 'chwilio am Awdurdod Lleol'.

Dod o hyd i'ch awdurdod cynllunio lleol¹

Heblaw am fanylion cyswllt yr ymgeisydd/ymgeiswyr (rhifau ffôn a chyfeiriadau e-bost), gall yr holl wybodaeth rydych yn ei rhoi ar y ffurflen gais ac mewn unrhyw ddogfennau ategol gael ei chyhoeddi ar wefan yr ACLl. Rydym yn argymell y dylid dileu'r manylion hyn, gan gynnwys llofnodion, o'r dogfennau ategol cyn lanlwytho'r ffeiliau.

1. https://www.llyw.cymru/dod-o-hyd-ich-awdurdod-cynllunio-lleol