Cyflwyno cais cynllunio ar-lein
Beth sy'n digwydd nesaf
Ar ôl i'r awdurdod cynllunio lleol dderbyn eich cais yn llwyddiannus, byddwch yn cael e-bost i gadarnhau hynny gan y Planning Portal. Bydd yr e-bost hwn yn cynnwys rhif cyfeirnod unigryw, a dylech ei ddyfynnu mewn unrhyw ohebiaeth â'r awdurdod cynllunio lleol. Mae eich rhif cyfeirnod hefyd ar gael ar y dudalen 'Ceisiadau' ac yn y trosolwg o'ch cais.
Nodwch: Nid yw'r e-bost hwn gan y Planning Portal yn gyfystyr â chadarnhad ffurfiol bod eich awdurdod cynllunio lleol wedi derbyn eich cyflwyniad electronig.
Ar ôl i'r awdurdod cynllunio lleol gael eich cais, y dogfennau ategol a'r taliad, bydd yn ei gofrestru a'i ddilysu fel rhan o'i brosesau a'i amserlenni llif gwaith arferol. Os bydd angen i'r awdurdod cynllunio lleol gael rhagor o wybodaeth, neu os bydd ganddo unrhyw ymholiadau, bydd yn cysylltu â chi'n uniongyrchol.
Am ragor o wybodaeth am hynt eich cais ar-lein, cysylltwch â'ch awdurdod lleol gan ddyfynnu eich rhif cyfeirnod.